" കണ്ണുനീര് കവിത "
>> Tuesday, October 18, 2011
" കണ്ണുനീര് കവിത "
=============
കൈവെള്ളയിലെഴുതിവച്ച
കവിത
കയ്യേ പ്രണയിച്ചു
കളം വിട്ടു പോയി.,..
കരളില് എഴുതി വച്ച
കവിത
കനവുകളും കട്ടെടുത്തു
ദ്രവിച്ച
പാളികള്ക്കിടയിലൂടെ
ഊര്ന്നിറങ്ങി പോയി ,...
ഹൃദയത്തില് തറച്ച
മിഴിയിതളുകളില്
കൊരുത്തു വച്ചൊരു
കവിതാ മധുരവും കൊത്തി
ഒരു കുറുമ്പന് കാക്കയെങ്ങോ
പറന്നു പോയി,..
കാലം കടം തന്ന
ഒരു വരി
കണ്ണുനീര് കവിത
ബാക്കിയുണ്ട്
പെണ്ണെ ,..നിന്റെ
"മുഖപുസ്തക"താളില്
എഴുതി വക്കട്ടെ ഞാനത് ,....
0 comments:
Post a Comment